★ 騎牛搵馬問題

海外外僱 現成外僱
至於騎牛搵馬…我比較多見到係印尼同菲律賓，之前我冇意中認識左一個印尼僱傭公司老細，亦都令我知道好多關於印尼外勞嘅問題，印尼係澳門係冇領事館嘅（題外話：緬甸都係冇嘅），所以佢地黎澳門多數係以旅遊證形式入境，唔係透過正規外僱渠道。而且印尼出國都係有管制嘅，所以大家在澳門遇到嘅印尼，都係係香港完約或斷約再直接由香港黎澳門，以旅遊證形式來澳門做野。

而菲律賓現成外僱都係騎牛搵馬嘅比較多，佢地通常去中小企業同埋酒店做野，有D會做短期工作係因為佢地旅遊證逗留期就快完，勉強做住先，如果覺得澳門吾適合佢地做野，大可以先搵個僱主做藍卡，過幾日辭工就有人幫佢地比機票錢。

★ 緬甸外勞嘅情況

有人會問甘係咪請現成緬甸外勞會好D？

其實係見人見志嘅，上面有講緬甸係澳門都係冇領事館，而佢地多數係以旅遊證形式來澳，唔係透過正規外僱渠道，當然總會有人肯請，而事實係佢地佔澳門外勞嘅比例好少，最多只有一、兩千人，而且每年都冇乜增長。吾單止澳門係甘，就連香港都係一樣，點解會甘呢？

因為佢地絕大部份年紀好細，部分持旅遊證入境，你地睇佢地護照寫25歲，真實年齡可能得16歲，我吾會話佢地有乜衰，係因為我16歲戈時都係一嚿飯甘，吾通我16歲戈時會識照顧岩岩出世BB？定係我可以擔起成頭家？

而緬甸外勞普遍年紀細、經驗淺，需要較多培訓同指導，適應期亦會長啲，而佢地唯一可以比美其他國籍嘅優點係…現成得黎又可以留宿，但係你地僱主需要知道而接受佢地….即使係佢地做左半年都係好似新人一樣。

有好多人問我….點解澳門嘅僱傭中心同埋中小企…冇乜年紀係30-45歲？其實我都見過有年紀大少少嘅，但係絕大部份超過35歲嘅緬甸外勞，體能同健康狀況未必適合高強度體力工作，所以我哋一般會按公司需要謹慎配對。

★ 總結

經過三篇文章嘅分析，相信大家都對海外外僱同現成外僱有更深入嘅了解。我嘅結論好簡單：

  • 海外外僱：合法、純樸、服從性高，雖然等簽證時間長，但係最穩定可靠
  • 現成外僱：快、可以試工，但風險高、問題多，亦唔係透過正規外僱渠道

作為持牌職業介紹所，我強烈建議大家走正規途徑請海外外僱，雖然程序多啲、時間長啲，但係長遠黎講绝对值得。如果你有任何關於外勞申請嘅問題，歡迎WhatsApp我哋查詢。

多謝大家睇完呢個系列！希望可以幫到大家更加了解澳門外勞情況。