★招聘菲律賓外勞嘅流程係點?
最近澳門行政會完成討論修改《聘用外地僱員法》，法案建議非本地居民必須持有澳門出入境當局發出嘅以工作為目的嘅入境憑證。以此憑證從澳門以外嘅地區入境，先會具備條件獲批給「僱員身份的逗留許可」（續期情況除外），以區分非本地居民入境澳門嘅目的係工作而非旅遊，解決非本地居民以遊客身份來澳轉為外僱問題，同時加強規範，完善外地僱員嘅輸入同埋管理。
有見及此，我而家為大家解釋下，以入境憑證招聘流程係點樣進行的。
首先，我地會發簡歷俾僱主進行挑選，之後僱主可以選擇網上面試，或者我地有D僱主會托我地網上面試，將片段發比佢地，僱主錄用後，我地菲律賓公司會帶佢地做身體檢查，而身體檢查會按照領事館嘅要求去做(身體檢查樣板請查看下圖)，如果僱主需要僱員黎左澳門後再做檢查，費用當然由僱主自付了，因為僱員係原居地已經履行左自己嘅義務，冇可能要僱員重覆為身體檢查付款，甘樣對僱員吾公平。如果有人懷疑領事館做假，甘我地澳門職業介紹所都冇辦法幫到你。
然後，體檢合格後會送到培訓中心做培訓，之前嘅文章都有分享過，而家我係呢度節錄返最重要嘅部份比大家睇 : 其實我地每個菲律賓海外外勞都係要接受菲律賓領事館安排培訓課程，並且考試合格先可以申請黎澳門工作嘅。今日我比其中一個例子比大家睇下 (如圖所示)，每個菲律賓海外外勞黎澳門做野都要有以下證書、培訓項目同埋英語聽寫測試。
不過我係呢度提醒下大家，有僱主反映，菲律賓姐姐黎到澳門之後，發現佢地吾係好了解澳門嘅清潔用品，我係度提醒下大家，事實係就算有D姐姐係香港做過，都吾係好清楚澳門D清潔用品，更何況佢地好多都冇去過香港，所以姐姐到澳門後，各位僱主還是需要同姐姐們解釋下清潔品，同埋日用品，如果有D家電係中文用語，都係需要教下佢地用，畢竟外籍姐姐冇可能識睇中文，如果識睇中文嘅大概就吾會做姐姐，再者日常用品種類繁多，培訓中心只會培訓技能，培訓吾到佢地認知澳門嘅日用品種類，敬請留意。
最後，經過體檢、培訓、考試完成後，等埋領事館出工作簽證，佢地就可以買機票到澳門，如果中間冇公眾假期最快都要一個半月才可以完成。有D僱主吾係好明點解請個姐姐要搞到甘複雜，佢地會覺得請個現成嘅可以試工吾係更好咩? 呢個問題之後嘅文章我會同大家探討下。下回再見。
