《勞動關係法》之《聘用外地僱員法》

2019年6月5日澳門行政會完成討論修改《聘用外地僱員法》,法案建議非本地居民必須持有澳門出入境當局發出嘅以工作為目的嘅入境憑證。以此憑證從澳門以外嘅地區入境,先會具備條件獲批給「僱員身份的逗留許可」(續期情況除外),以區分非本地居民入境澳門嘅目的係工作而非旅遊,解決非本地居民以遊客身份來澳轉為外僱問題,同時加強規範,完善外地僱員嘅輸入同埋管理。

★有僱主話 : 點解吾規管下D中介?

答: 大家放心!!! 《職業介紹所業務法》法律草案就快出爐了,大家吾使心急!!!我仲急過你地呢!!!

★有僱主話 : 法例生效後,請工人咪越黎越難囉!!!澳門政府專門刁難僱主!!!
答: 註: 以下只係本人甘多年嘅經驗同埋意見,如果吾岩聽就吾好睇啦!!!

其實空運同埋現成我地都有做過,有比較。以前做現成個時,真係日日接僱主投訴電話,工作8小時,最少有6小時都係接緊投訴電話,不論放假日, 定係工作時間,應該講每一日24小時都係工作工作同埋工作,就連大年初三凌晨1點,都有投訴電話打入黎,真係好誇張。自從做左空運之後,基本上真係冇乜投訴電話打入黎,當然僱主同埋中介都要等候簽證出黎,時間可能一個半月,或者兩個月,但係一向用開空運嘅僱主都好樂意等候,而且佢地係吾會係街邊執工人黎用嘅,因為佢地知道現成嘅雖然可以試工,但係佢地肯吾肯黎試工又係另一個問題,大部份都係放飛機嘅比較多,再吾係就一定要外宿嘅。

今日有個僱主微信同我傾計,佢話之前都有請過外宿嘅,就算工人肯黎試工,而且比你請左都冇乜太大用處,因為佢地好鍾意返工遲到,會搞到你成日都返吾到工。 事實係呢個問題成日都有發生,既然佢地揸得旅遊證過黎澳門,都離吾開三個原因。

1. 佢地就係想黎澳門搞犯法野,甘澳門政府想堵塞呢個漏洞都係合情合理,吾通澳門政府日日坐係度自肥先岩咩?
2. 佢地係澳門有老公同埋親戚,甘佢地當然吾想留宿啦!佢地出面有老公同埋甘多朋友,自然會有人教佢地點樣對付僱主,正常僱主又點會想….日日對住戈D分分鐘去勞工局告你嘅人。係我嘅角度去睇呢D事,勞工局D人,日日坐係辦公室,佢地根本吾知發生乜事,而日日都有外地僱員去勞工局告佢地嘅僱主,但係勞工局又要係僱主同埋僱員兩邊取一個平衡點,甘樣又真係好難做喎!最起碼係吾易做啦!
3. 佢地想係澳門搵工做,大家吾好睇得呢件事甘簡單,其實揸住旅遊證黎澳門搵工做,難聽D黎講就係販賣人口,吾通澳門政府可以一直無視呢個問題嗎?

《勞動關係法》之《聘用外地僱員法》 5
最後,以本人嘅經驗黎睇,家務助理以合法途徑申請黎澳門做野,點都會比以旅遊證黎澳門做野好好多。但係新修訂《聘用外地僱員法》最大問題係非專業外地僱員嘅問題,如果非專業外地僱員都要以空運形式到澳門工作,甘樣對中小企業打擊會好大,因為本身中小企申請外勞額审批時間好長,而家最快都要成3個月,勞工額批出之後仲要等空運,即係最快都要成半年先可以有外勞用,分分秒秒都要超過半年呢,而且做我地呢行….大約知道網上面試會出現種種問題,非專業同埋家務助理之間存在好大嘅差異,最主要係溝通問題,如果家傭吾識溝通都吾係太大問題,只要佢地工作勤力就可以了,況且家傭每日都係住同一樣野,只要僱主肯花少少時間教佢地就可以了,但係非專業就吾同,佢地每日要處理吾同問題,溝通吾到真係死穴黎架,而家中小企業面對最大問題係租金不斷上漲嘅壓力, 將來仲要面對埋人資嘅重大問題,令到本來已經冇乜營商優勢…..嘅澳門黎講真係雪上加霜。而且澳門人營商有一個好奇怪嘅行為,就係只要開一間癈水,間間都係開癈水,開一間CAFÉ,間間都係開CAFÉ,大家都以為對方賺大錢,每個人都想分一杯羹,創業者根本冇考慮過前景同埋能力,不久後大家仲要面對埋人資問題,真係要三思而後行呢。
《勞動關係法》之《聘用外地僱員法》 6

關於 明姐

澳門Aone人力資源
做左職介所幾年,見盡澳門請外勞嘅古怪經歷,有吾多正常嘅僱主,有Round round 地嘅外勞,當然係仲有D人情味濃嘅僱主,同埋仲有D暖心助人嘅外勞啦 ! 幾經風雨,我想將呢D經歷記錄落黎,讓大家更加了解澳門嘅外勞狀況

其他文章

搖晃綜合症

閱讀更多 »

澳門職業介紹所之問題集—招聘菲律賓流程

閱讀更多 »

《勞動關係法》之《聘用外地僱員法》

閱讀更多 »

澳門吾同國籍外傭嘅比較圖

閱讀更多 »

澳門海外外僱VS 澳門現成外僱 (續集完結編)

閱讀更多 »

Facebook 專頁